Helianthus annuus (binomen a Carolo Linnaeo anno 1753 statutum) est late cultivata generis Helianthi species, cuius flos cum sole vertit. Quae planta est annua, familia Asteracearum, vel compositarum, cuius magna statura flores capitulis componuntur. Inter complexum agrarium orientalem ab indigenis vallis Mississippianae domesticata, hodie cultissima est ob semina oleo cibario (40% compositionis) abundantia. Cum Brassica rapa var. oleifera et Olea europaea, ea est tertia fons olei cibarii in Europa.
