Laurus nobilis (binomen a Linnaeo statutum, nomine antiquo “Laurus“) est typus generis Lauri, Lauraceis attributi. Laurus nobilis est arbustum foliis aromaticis, artibus coquorum et medicorum utilissimis, bacis etiam edulibus munitum. Species naturá iuxta oris maris Mediterranei crescit. Per has regiones olim “laurisilvae” (ita a palaeontologis nuncupatae) late florebantur, lauris et ilicibus virentes; quae silvae in Macaronesia hodie usque servantur, alibi autem abhinc decem milium annorum ob siccitatem evanescabant. Nomen Graecum “Δάφνη” fabula mythica explicavit: nympham Daphnen ab Apolline persecutam se in laurum convertisse;[1] laurum postea Apollini sacram in coronis plectam ad victores athleticos et bellicos “laureandos“.
